Li enpòtan pou chak moun ki gen yon fanmi oswa yon zanmi lopital kenbe yon pwotokòl lè w al wè pasyan yo. Fason ou konpòte w le al wè pasyan an ka fè anpil diferans nan swen pasyan an resevwa. Men senk pami kèk konsèy nou panse ki enpòtan pou sonje epi mete an pratik.
Verifye e respekte lè Visit yo : Asire w ou konnen lè yo pèmèt vizit nan lopital la ak lot prensip sou direktiv spesifik pou vizitè. Yon fason pou pa mete tet ou nan pwoblem oswa fache san rezon.
Lave men avan e aprè vizit la. (Pwoprete) : Jès sa ap pèmèt ou pa pote mikrob bay pasyan e pran mikrob pote lakay ou. Lopital rete lopital, menm si w ta wè li pwop, chaje ak mikwob ke ou paka wè.Respèkte vi prive ak entimite malad la : Toujou sonje frape epi mande avan w antre si se yon chanm endividyèl. Respekte bezwen pasyan an genyen pou repoze, entimite li ak dinite li. Menm si se fanmi w, evite ekspoze pati nan ko li devan lot moun.
Evite pran konvèsasyon ki two sansib tankou diskite diagnostik maladi a devan lot moun.
Evite antre an gwoup : Nan sousi pou pa gen trop moun ak trop bri nan espas la sa ki ka anpeche pesonèl medikal yo fè travay yo byen ; Epi kreye problem avek fanmi lot pasyan ki ka enkonfòtab.
Pote Soutyen emosyonèl : Tande malad la avèk atansyon, Kenbe konvesasyon yo pozitif ak enkourajan sa ka ede remonte moral. Evite diskite sou sijè ki ka lakoz strès. Pote ti kado oswa kat ki apwopriye, flè, balon, nenpot bagay ou konnen paysan an renmen pou ka fèl santi li pa poukont li.
Filostine Jean-Baptiste.
